कैलाली जिल्लाको सबै स्थानीय तहबाट प्रणालीमार्फत् नागरिकता सिफारिस
2080-12-29
2080-12-29
चैत्र २९, २०८० ।
मिति २०८० चैत्र १ गतेको गृह मन्त्रालयको विज्ञप्ति अनुसार नागरिकता प्रमाणपत्र सम्बन्धित प्रक्रियालाई थप व्यवस्थित एवं प्रविधिमा आधारित बनाउने उद्देश्यका साथ स्थानीय तहहरुले अनलाइन प्रणालीमार्फत् नागरिकता सिफारिस गर्ने सम्बन्धमा नवलपरासी (बर्दघाट सुस्ता पूर्व) जिल्लाको गैंडाकोट नगरपालिकाबाट चैत्र १५ बाट प्रणाली प्रयोग गरी नागरिकता सिफारिस गर्ने कार्यकाे शुभारम्भ भएपश्चात् सोही जिल्लाको अन्य ३ नगरपालिकाबाट समेत सो कार्य सुरुवात भईसकेको छ। कैलाली जिल्लाले पनि २०८० चैत्र २५ देखि धनगढी उपमहानगरपालिका अन्तर्गतका वडा कार्यालयहरुबाट प्रणाली प्रयोग गरी नागरिकता सिफारिस गर्ने कार्यको सुरुवात गरेकोमा हाल कैलाली जिल्लाका १३ वटै स्थानीय तहबाट प्रणालीमार्फत् नागरिकता सिफारिस गर्ने कार्य भईरेहको छ।
कैलाली जिल्लाको धनगढी उप-महानगरपालिकामा चैत्र २५ ; भजनी नगरपालिका, जोशीपुर गाउँपालिका, टीकापुर नगरपालिका र जानकी गाउँपालिकामा चैत्र २६ ; लम्की-चुहा नगरपालिका, बर्दगोरिया गाउँपालिका, घोडाघोडी नगरपालिका, मोहन्याल गाउँपालिका, गौरीगंगा नगरपालिका र कैलारी गाउँपालिकामा चैत्र २७ एवम् गोदावरी नगरपालिका र चुरे गाउँपालिकामा चैत्र २८ देखि प्रणाली प्रयोग सुरु गरिएको हो।
